HADEES ONLINE
Read Hadees Online
Sahih Bukhari > Bab 3 > Hadees No. 61
Hazrat Abdullah ibne Umar (rd) se Rivayat hai ,
(Ek Martaba) Aap (s.a.w) ne Farmaya " darakhto mai se ek darakht esa hai ke is ke patte nahi jadte aur musalman ke bhi yahi misal hai batlao vo kon sa darakht hai ? "
Ye sun kar logo ke khayalat jangal ke darakhto mai chale gae .
Abdullah (rd) ne kaha ke mere dil mai aya ke batlaoo ke vo khajoor ka darakht hai lekin (vaha bahot se buzurg mojud the is liye) muje sharm aaee .
Akhir sahaba ne arz kiya ke Ya Rasulallah (s.a.w) ! Aap hi bayan farma dijie .
Aap (s.a.w) ne batlaya ke Vo Khajoor ka darakht hai .
Sahih Bukhari > Bab 3 > Hadees No. 62
Hazrat Abdullah ibne Umar (rd) se Rivayat hai ,
(Ek Martaba) Aap (s.a.w) ne Farmaya " darakhto mai se ek darakht esa hai ke is ke patte nahi jadte aur musalman ke bhi yahi misal hai batlao vo kon sa darakht hai ? "
Ye sun kar logo ke khayalat jangal ke darakhto mai chale gae .
Abdullah (rd) ne kaha ke mere dil mai aya ke batlaoo ke vo khajoor ka darakht hai lekin (vaha bahot se buzurg mojud the is liye) muje sharm aaee .
Akhir sahaba ne arz kiya ke Ya Rasulallah (s.a.w) ! Aap hi bayan farma dijie .
Aap (s.a.w) ne batlaya ke Vo Khajoor ka darakht hai .
Sahih Bukhari > Bab 3 > Hadees No. 63
Hazrat Anas Bin Malik (rd) Se Rivayat Hai , Unhone Farmaya
Ek Martaba Ham masjid mai Nabi-e-Kareem (s.a.w) Ke sath baithe hue the , Itne mai ek shakhs oont (camel) par suvar ho kar aaya aur oont (camel) ko masjid mai bitha kar bandh diya . Fir Puchhne laga ' Tum mai se Muhammad (s.a.w) kon hai ?'
Nabi-e-Kareem (s.a.w) us wakt Logo mai Takiya Lagae baithe hue the . Ham Ne Kaha Muhammad (s.a.w) ye safed rang vale buzurg hai jo takiya lagae hue tashrif farma hai .
Tab Vo Aap(s.a.w) se mukhatib hua ke ' ae Abdul mutallib ke farzand ! '
Aap (s.a.w) ne Farmaya "Kaho Mai Aap ki baat sun raha hu ."
Vo Bola " Mai Aap (s.a.w) se kuchh dini baatein daryaft karna chahata hu aur zara sakhti se bhi puchhunga , To aap apne dil mai bura n maniega ."
Aap (s.a.w) ne farmaya " Nahi jo tumhara dil chahe puchho ."
Tab us ne kaha " Mai aap ko Rpne rab aur agle logo ke Rab Tabarak v ta'la ki kasam de kar puchhta hu kya Aap ko Allah ne duniya ke sab logo ki taraf rasool bana kar bheja hai ? "
Aap (s.a.w) ne Farmaya "Ha , Ya Mere Allah ! "
Fir us ne kaha " Mai Aap (s.a.w) ko Allah ki kasam deta hu , Kya Allah ne Aap (s.a.w) ko raat aur din mai paanch namazain padne ka hukm farmaya hai ?"
Aap (s.a.w) ne Farmaya " Ha , Ya mere Allah ! "
Fir kehne laga " Mai Aap ko Allah ki kasam de kar puchhta hu , Kya Allah ne Aap ko ye hukm diya hai ke saal bhar mai is mahine Ramzan ke Roze Rakho .
Aap (s.a.w) ne Farmaya " Ha , Ya Mere Allah ! "
Fir Kehne Laga " Mai Aap (s.a.w) ko Allah ki kasam de kar puchhta hu , Kya Allah ne Aap ko ye hukm diya hai ke Aap ham mai jo maaldar log hai in se zakat vusul karke hamare mohtajo mai bant diya kare .
Nabi-e-Kareem (s.a.w) ne Farmaya " Ha , Ya Mere Allah ! "
Tab Vo Shakhs kehne laga " Jo Hukm Aap (s.a.w) Allah ke Paas se Laae hai , mai un par Imaan laya Aur Mai Apni kaum ke logo ka jo yaha nahi aae hai bheja hua Aaya hu . Mera naam Zaman bin Sholba hai , Mai Bani Sa'd Bin Bakar ke khandan se hu ."
Sahih Bukhari > Bab 3 > Hadees No. 64
Hazrat Abdullah Ibne Abbas (rd) se Rivayat Hai Vo Farmate Hai ,
Rasulallah (s.a.w) ne ek Shakhs ko apna ek khat de kar bheja aur use ye hukm diya ke ise hakim baharayn ke pas le jaae . Hakim Baharayn ne vo khat (letter) kisra (shah iraan) ke pas bhej diya . Jis vakt us ne vo khat (letter) pada to chak kar dala . (Ravi kehte hai ) Aur mera khayal hai ke Ibne maseeb ne ( iske baad ) Mujse kaha ke (Is Vakiye ko sun kar) Rasool-Allah (s.a.w) ne Ahal-e-Iraan ke liye Bad Dua ki ke vo (Bhi chak shuda khat ki Tarha) Tukde Tukde ho jaae .
Sahih Bukhari > Bab 3 > Hadees No. 65
Hazrat Anas Bin Malik (rd) se Rivayat Hai , Ke Unhone Farmaya ke
Rasulallah (s.a.w) ne (Kisi Badshah ke naam dawat-e-Islam dene ke liye) Ek khat likha ya likhne ka irada kiya to Aap (s.a.w) se kaha gaya ke vo bagair mahar ke khat (letter) nahi padte ( Ya'ni be mahar ke khat ko mustanad nahi samajte) Tab Aap (s.a.w) ne Chandi ki anguthi banvai . Jis mai << Muhammad Rasulallah >> kanda tha . Ghoya mai (Aaj bhi ) Aap (s.a.w) ke hath mai is ki safedi dekh raha hu .
(Sho'ba Ravi-e-Hadees kehte hai ke) Mai ne Katada se puchha ke ye kis ne kaha ke is par << Muhammad Rasulallah >> Kandha tha ?
Unhone Javab diya Anas (rd) ne .