HADEES ONLINE
Read Hadees Online
Sahih Bukhari > Bab 2 > Hadees No. 21
Hazrat Anas (rd) Se Rivayat Hai ,
Nabi-e-Kareem (s.a.w) Ne Farmaya ,
" Jis Shakhs Mai Ye Teen(3) Baate Hogi Vo Imaan Ka Mazaa Paa Le Ga ,
1) Vo Shakhs Jise Allah Aur Uska Rasool (s.a.w) Un Ke Maa Siva Se Ziyada Azeez Ho ,
2) Jo Kisi Bande Se Mahaz Allah Hi Ke Liye Mohabbat Kare ,
3) Aur Teesri Baat Ye Ke Jise Allah Ne Kufr Se Naja't Di Ho , Fir Dobara Kufr Ikhtiyar Karne Ko Vo Esa Bura Samje Jesa Aag Mai Gir Jaane Ko Bura Janta Hai ."
Sahih Bukhari > Bab 2 > Hadees No. 22
Abu Saeed Khudri(rd) Se Rivayat Hai ,
Nabi-e-Kareem (s.a.w) Ne Farmaya ,
"Jab Jannati Jannat Mai Aur Dozakhi Dozakh Mai Dakhil Ho Jaenge , Allah Paak Farmaega ,
' Jiske Dil Mai Rai Ke Daane Ke Barabar Bhi Iman Ho , Usko Bhi Dozakh Se Nikal Lo',
Tab (ese Log ) Dozakh Se Nikale Jaenge , Aur Vo Jal Kar Koyale Ki Tarha Siyah Ho Chuke Honge , Fir Zindagi Ki Nehar Mai Ya Baarish Ke Paani Mai Dale Jaenge , Us Vakt Vo Daane Ki Tarha Ugh Aaenge Jis Tarha Nadi Ke Kinare Daane Ugh Aate Hai, Kya Tum Ne Nahi Dekha Ke Daana Zardi Maeel Paich Dar Paich Nikalta Hai ."
Sahih Bukhari > Bab 2 > Hadees No. 23
Hazrat Abu Saeed Khudri (rd) Se Rivayat Hai
Rasulallah (s.a.w) Ne Farmaya ,
"Mai Ek Vakt So Raha Tha , Mene Khvab Mai Dekha Ke Log Mere Samne Pesh Kiye Jaa Rahe Hai , Aur Vo Kurte Pehne Hue Hai , Kisi Ka Kurta Sine Tak Hai Aur Kisi Ka Us se Nicha Hai , (Fir) Mere Samne Umar Bin Khattab Lae Gae , Unke Badan Par Jo Kurta Tha Use Vo Gasit Rahe The ."
Sahaba Ne Puchha "Iski Kya Ta'bir Hai ?"
Aap (saw) Ne Farmaya "Is se Deen Murad Hai ."
Sahih Bukhari > Bab 2 > Hadees No. 24
Hazrat Abdullah Ibne Umar (rd) Se Rivayat Hai ,
Ek Martaba Rasulallah (saw) Ek Ansari Shakhs Ke Paas Se Guzre Is Haal Mai Ke Vo Apne Bhai Se Keh Rahe The Ke "Tum Itni Sharam Kyu Karte Ho . "
Aap (saw) Ne Us Ansari Se Farmaya ,
"Isko Iske Haal Par Rehne Do Kyuki Haya Bhi Imaan Hi Ka Hissa Hai "
Sahih Bukhari > Bab 2 > Hadees No. 25
Hazrat Abdullah Ibne Umar (rd) Se Rivayat Hai ,
Rasulallah(saw) Ne Farmaya ,
"Muje (Allah Ki Taraf Se) Ye Hukm Diya Gaya Hai Ke Logo Se Jang Karu Us Vakt Tak Ke Vo Is Baat Ka Ikrar Kar Le Ke Allah Ke Siva Koi Ma'Bud Nahi , Aur Ye Ke Muhammad (saw) Allah Ke Rasool Hai , Aur Namaz Kayam Kare , Aur Zakat De , Jis Vakt Vo Ye Karne Lage Ge To Mujse Apne Jaan V Maal Ko Mehfooz Karlenge , Sivaye Islam Ke Haq Ke , Unka Hisab Allah Ke Zimme Hai ."