Ummul Mo'minin Hazrate Aysha (rd) se marvi hai ke unhone farmaya ki

 

Rasulallah (s.a.v.) par vahi ki ibteda achhe khvabo se hui. Jo khvab bhi

 

Huzur(s.a.v.) dekhte uski tabir subh-e-roshan ki tarha zahir hoti .

 

Fir apke dil me khalvat guzeni ki muhobbat dal di gai . Aur aap gar-e-hira 

 

me khalvat ikhtiyar farmane lage . Aap vaha mut'addad dino tak ibadat

 

karte  rehte . Jab tak apne ahal ka isteyak na hota , Aur is ke liye tosha le

 

jate . Fir Khadija (rd) ke pas tashrif late aur itna hi tosha fir le jate . Yaha

 

tak ke ap par vahi aai jabke aap gar-e-hira me the . Is tarha ke firishta

 

hazir hua aur usne arz kiya "Padie "  . Aap ne farmaya "Me nahi padta".

 

Huzur ne bataya  Fir farishte ne muje takat bhar dabocha fir chhod diya

 

aur kaha " Padie " . To me ne kaha " Me nahi padta " To usne muje fir 

 

pakda dusri bar muje takat bhar dabocha . Fir chhod kar kaha "Padie "

 

To mene kaha "Me nahi padta". Huzur ne farmaya fir muje tisri bar takat

 

bhar dabocha fir chhod diya aur kaha " Apne us Parvardigar ke naam ke

 

sath padie jisne insan ko pasta khun se paida kiya "  (sura-e-alak ki ibtidai

 

5 aayte " ma lam ya'lam " tak)

 

Is ke ba'd Rasulallah (s.a.v.) is halat me laute ke apka dil dhadak raha tha

 

(Dono shano aur gardan ka darmiyani hissa kamp raha tha )

 

Aur Khadija binte Khovayled (rd) ke pas pohanch kar farmaya 

 

" Muje Kapda udao muje kapda udao "

 

To logo ne huzur(s.a.v) ko kapda udaya . Yaha tak ki aap hazrat(s.a.v)

 

ki gabrahat dur ho gai . Uske baad Khadija (rd) ko pura vakia bata kar

 

unse kaha " Mai apni jaan ko dar gaya hu " . Is par Khadija ne arz kiya

 

" Aisa hargiz n hoga apko basharat ho B'khuda Allah apko hargiz rusva 

 

n karega , ap sul'h rehmi farmate hai , aur sach bolte hai , aur logo ka

 

bhar uthate hai , aur logo ko vo chiz ( mal , akhlak etc) ata farmate hai

 

jo unke pas nahi , aur  mehman navazi karte hai , aur rahe haq me pesh 

 

aane vale masaeb me madad farmate hai .

 

Iske ba'd Huzur ko  Khadija (rd) apne sath lekar apne chacha zad bhai

 

Varqa bin Nofal bin Asad bin Abdul uzza bin Qussi ke pas le gai .

 

Varqa jamana-e-jahiliyyat me nasrani ho gae the . Ibrani aur Arabi likhna

 

jante the . Aur Injil ko Ibrani aur Arabi me likha karte the jitna Allah ko

 

manzoor hota . Us vakt bahot bude nabina ho gae the .  Un se Khadija(rd)

 

ne kaha " Ae mere chacha ke bete apne biradar zade ki bat sune " .

 

To Huzur se varqa ne puchha " Ae biradar zade apne kya dekha " .

 

To Rasulallah (s.a.v) ne jo kuchh dekha tha bataya . Varqa ne Huzur 

 

se kaha " Ye vahi-e-farishta hai jise Allah ta'la ne Musa par utara tha ,

 

kash ke me in dino takat var javan hota , kash ke me un dino jinda hota

 

jab apki kom apko nikalegi " . Ye sun kar Rasulallah(s.a.v) ne daryaft kiya

 

"Kya meri kom muje nikalegi " . Varka ne kaha " Ji ha ! Jab bhi koi shakhs

 

apki tarha shariyat le kar aya to us se dushmani ki gai use sataya gaya .

 

Agar muje apka zamana mila to apki bharpur madad karuga " 

 

Iske kuchh hi dino bad varqa ki vafat ho gai aur vahi ruk gai .