HADEES ONLINE
Read Hadees Online
Sahih Bukhari > Bab 3 > Hadees No. 81
Hazrat Anas (rd) se Rivayat Hai , Vo Farmate Hai
Mai Tumse Ek Esi Hadees bayan karta hu jo mere ba'd Tumse koi nahi bayan karega , Maine Rasulallah (s.a.w) ko ye farmate hue suna ke ,
" Alamate Kiyamat mai se ye hai ke Ilm (e-Deen) Kam Ho Jaaega . Jahal Zahir ho jaaega . Zina Ba-Kasrat hoga . Auratein(women) bad jaaengi aur mard kam ho jaaenge . Hatta ke 50 Auraton ka nigran sirf ek Mard Reh Jaaega .
Sahih Bukhari > Bab 3 > Hadees No. 82
Hazrat Abdullah Ibne Umar (rd) ne Farmaya ,
Rasulallah (s.a.w) ko ye Farmate hue suna hai ke
" Mai so raha tha (Isi halat mai ) Muje dudh ka ek pyala diya gaya . Maine (Khub Achhi Tarha) Pee Liya . Hatta ke Maine Dekha ke Tazgi mere nakhuno se nikal rahi hai . Fir Maine apna bacha hua (dudh(milk)) Umar Bin Khattab ko de diya . "
Sahaba (rd) ne puchha " Aap ne is ki kya Ta'beer Li ? "
Aap (s.a.w) ne Farmaya , "Ilm (knowledge) "
Sahih Bukhari > Bab 3 > Hadees No. 83
Hazrat Abdullah Bin Amroo Bin Aa's se Rivayat hai , Vo Farmate hai
Hajjatul Vada mai Rasulallah (s.a.w) logo se masaeel daryaft karne ki vajeh se mina mai thehar gae . To Ek Shakhs aaya aur usne kaha , "Maine Be khabri mai Zabah karne se pehle sar munda liya . "
Aap(s.a.w) " Ab Zabah karle koi harj nahi ."
Fir Dusra Aadami aya , usne kaha ke mai ne be khabari mai rami karne se pehle kurbani karli .
Aap (s.a.w) ne Farmaya " (Ab) Rami karle Aur Pehle kar dene se koi haraj nahi ."
Ab Amroo kehte hai (Us din ) Aap (s.a.w) se jis chiz ka bhi saval hua jo kisi ne aage aur pichhe kar li thi . To Aap (s.a.w) ne Farmaya ke Ab karle aur kuchh harj nahi .
Sahih Bukhari > Bab 3 > Hadees No. 84
Hazrat Abdullah ibne Abbas (rd) se Rivayat hai Vo Farmate hai Ke
Nabi-e-Kareem (s.a.w) se Aap ke (Akhari) hajj mai kisi ne puchha ke
"Maine Rami karne ( Yani kankariya Fenkne) se Pehle Zabah kar liya . "
Aap (s.a.w) ne Hath se Ishara kiya (aur) Farmaya , "Kuchh Harj nahi ."
Kisine kaha ke " Maine zabah se pehle halk kara liya . "
Aap (s.a.w) ne Sar se Ishara Farma diya ke kuchh harj nahi .
Sahih Bukhari > Bab 3 > Hadees No. 85
Hazrat Abu Huraira (rd) se Rivayat hai , Aap (s.a.w) ne Farmaya ,
"(Ek Vakt esa Aaega ke jab) ilm Utha liya jaaega ."Jahalat aur fitne fail jaenge Aur haraj badh jaega ."
Aap (s.a.w) se puchha gaya ke " Ya Rasulallah (s.a.w) ! haraj se kya murad hai ? "
Aap (s.a.w) ne apne hath ko harkat de kar farmaya " Is Tarha " . Goya Aap (s.a.w) ne is se Katal Murad Liya .