Ya Ilahi Har Jagah Teri Ata Ka Sath Ho

Jab Pade Mushkil Shahe Mushkil Kusha Ka Sath Ho

 

Ya Ilahi Bhul jae naz'a ki taklif ko

Shadi-e-Didaare Husn-e mustafa ka sath ho

 

Ya Ilahi Ghore tira ki jab aae sakht raat

Un ke pyare muh ki subh-e-Ja fiza ka sath ho

 

Ya Ilahi garmi-e-Mehshar se jab bhadke badan

To Daman-e-Mehboob ke thandi hava ka sath ho

 

Ya Ilahi jab pade mehshar mai shor-e-daro gird

Aman dene vale pyare peshvaa ka sath ho

 

 Ya Ilahi sard mehre par Khurshid-e-hashr

Saiyade be saya ke gille diva ka sath ho

 

Ya Ilahi Jab zabane bahar aaye pyas se

Sahib-e-Kausar shahe judo ata ka sath ho

 

Ya Ilahi bahe ankhe hisabe jurm mai

Un tabassum nez hotho ki dua ka sath ho

 

Ya Ilahi Jab hisabe khalda-e-beza rulaye

Chashme giriya mai shafie murtaza ka sath ho

 

Ya Ilahi rang laae jab meri be bakiya

Un Ki Nichi nichi nazro ki haya ka sath ho

 

Ya Ilahi naama-e-Amaal jab khulne lage

A'ib poshe khalk sattar-e-Khata ka sath ho

 

Ya Ilahi Jab chalu tarik rah-e-Pul siraat

Aaftabe hashami noorul huda ka sath ho

 

Ya Ilahi jab sar-e-Shamshir par chalana pade

Rabbe Sallim kehne vale gham zada ka sath ho

 

Ya Ilahi Jo duaie Nek mai tujse karu

Kudasiyo ke lab se aamin rabbana ka sath ho

 

Ya Ilahi Jab RAZA khvab-e-gira se sar uthae

Daulate bedare ishke mustafa ka saath ho