Unki mehak ne dil ke gunche khila die hai

Jis rah chal gae hai kuche basa die hai

 

Jab aa gai hai josh-e-rehmat pe unki ankhe

Jalte buja die hai rote hasa die hai

 

Ek dil hamara kya hai aazar iska kitna

Tumne to chalte firte murde jila die hai

 

Unke nisar koi kese hi ranj me ho

Jab yad aa gae hai sab gam bhula die hai

 

Hamse fakir bhi ab feri ko uthte hoge

Ab to gani ke dar par bistar jama die hai

 

Aane do ya dubo do abto tumhari janib

Kishti tumhi pe chhodi langar utha die hai

 

Allah kya Jahannam ab bhi n sard hoga

Ro ro ke mustafa ne darya baha die hai

 

Mere karim se gar katra kisi ne manga

Darya baha die hai durre baha die hai

 

Mulk-e-sukhan ki shahi tumko RAZA musallam

Jis simt aa gae ho sikke bitha die hai