Tum Baat Karo Ho Na Mulakat Karo Ho

Bas Ek Nazar Mai Dil Gaat Karo Ho

 

Jo Rahain Tere Desh Ko Na Jave Hai Viran

Jis Rukh Bhi Guzar Jao Bagat Karo Ho

 

Baithe Hai Sabhi Sej Sajae Tere Karan

Maalum Nahi Kis se Mulakat Karo Ho

 

Duniya Tere Mangat Ki Bhikaran Hai Maharaj

Jis Ko Bhi Tako Tum To Sogat Karo Ho

 

Ratiya Me Khule Rakhti Hu Akhiyan Ke Darichan

Kab Raat Ke JArno Se Ek Jaat Karo Ho

 

Talvar Ki Hajat Ho Bhala Tum Ko To Kyu Kar

Nainan Ki Kanakhian Se Jag Maat Karo Ho

 

Kitne Hi Lage Firte Hai Sajan Tere Mangat

Jis Pe Bhi Jiya Aae Navajat Karo Ho

 

Jo Nest Thi Takne Se Tere Ho Gai Hasti

Ghar Nazr Hatalo To Kayamat Karo Ho

 

Rut Prem Ke Geeto Ki Kabu Beet Chuki TAHIR

Is Ujdi Nagariya Mai Kya Baat Karo Ho