Tere Hote janam liya hota 

Fir kabhi to tuje mila hota

 

Kash me sange dar tera hota

Tere kadmo ko chumta hota

 

Tu chala karta meri palko par

Kash me tera rasta hota

 

Zarra hota jo teri raho ka

Tere talvo ko chhu liya hota

 

Ladta firta me tere a'da se

Teri khatir me mar gaya hota

 

Tere maskan ke  girde sham o sahar

Banke mangata mai fir raha hota

 

Tu kabhi to muje bhi tak leta

Tere takne pe bik gaya hota

 

Tu jo ata mere janaze par

Tere hote mai mar gaya hota

 

Chhod kar jannate palat ata

Tu meri kabr par khada hota

 

Hota ROOHI tere fakiro me

Teri dehliz par pada hota