Ta'jjub kya agar shayar sukhan par naat padte hai

Mi abu jahal ki mutthi me kankar naat padte hai

 

Yaha par najdiyo ko naat se taklif hoti hai

Vaha shehar-e-madina me kabutar naat padte hai

 

Madine ki judai jab satati hai garibo ko 

Vo apne peer ka daman pakad kar naat padte hai

 

Yazeedo ke kaleje fatne lagte hai adavat se

Husaini kafile me jab bahattar naat padte hai

 

Vo jis masjid me aqa sunte the Hassan se naate

Vaha pe aj bhi mehrabo mimbar naat padte hai

 

Hamari naat darbar-e-risalat tak pohanch jae

Jabhi ham duroode pak pad kar naat padte hai

 

Dua maa baap ki hai aur karam hai rabbe akbar ka

Nabi ki bazm me SHADAB O PAIKAR naat padte hai