Lab par naat-e-pak ka nagma kal bhi tha aur aj bhi hai

Mere nabi se mera rishta kal bhi tha aur aj bhi hai

 

Aur kisi janib kyu jae Aur kisi ko kyu dekhe

Apna sab kuchh gumbad-e-gazra kal bhi tha aur aj bhi hai

 

Past vo kese ho sakta hai jis ko haq ne buland kiya

Dono jaha me inka charcha kal bhi tha aur aj bhi hai

 

Jis ke faiz se banjar sino ne shadani pai hai

Moj me vo rehmat ka dariya kalbhi tha aur aj bhi hai

 

Batla do ye har dushman-e-di ko gairat-e-muslim zinda hai

Din pe mar mitne ka jazba kal bhi tha aur aj bhi hai

 

In ke dar se sab ho aae ja n saka tu ek SABIH

Ye ke ak tasvir-e-tamanna kal bhi tha aur aj bhi hai

 

Jin ankho se tayba dekha vo ankhe betab hai fir

In ankho me ek takaza kal bhi tha aur aj bhi hai