Aa jaega Tayba se bulava bhi kisi roz

Har vakt madine ki dua mang are mang

 

Na ho mayus are divano pukare jao tum unko

Bulaenge tumhe bhi ek din sarvar madine me

 

Bigdi bhi banaenge jalve bhi dikhaenge

Gabrao na divano sarkar bulaenge

 

Ham masjid-e-nabavi ke dekhenge minaro ko

Aur gumbad-e-khazra ke pur noor nazaro ko

Ham jake madina fir vapas nahi aaenge 

 

Mil jaengi tabire ek roz to khvabo ki

Gir jaengi divare sab dekhna raho ki

Ham roza-e-akdas par jab ansu bahaenge

 

Dil ishk-e-nabi me gum kuchh aur tadapne do 

is did ki atash ko kuchh aur fadak ne do

Ham kishna dili jal kar zamzam se badaenge

 

Jab hashr ke meda se ek hashr bapa hoga

Jab fesala ummat ka karne ko khuda hoga

Ummat ko shah-e-bat'ha daman me chhupaenge

 

Lillah mere aqa se udad meri kehna

Ye arz bhi aqa se ae hajiyo tum karna

ISHRAT ko dar-e-akdas kab aap bulaenge

Ham sab ko dar-e-akdas kab aap bulaenge